சென்னை, முதுநிலை பிசியோதெரபி படிப்புக்கான மாணவர் சேர்க்கையில், 69 இடங்கள் நிரம்பின.தமிழ்நாடு டாக்டர் எம்.ஜி.ஆர்., மருத்துவ பல்கலையின் கீழ் செயல்படும், தனியார் மருத்துவ கல்லுாரிகளில், முதுநிலை இயன்முறை மருத்துவம் எனப்படும், பிசியோதெரபி படிப்புக்கு, 800 இடங்கள் உள்ளன. இதில், அரசு ஒதுக்கீட்டுக்கு, 40 இடங்கள் உள்ளன.இந்த படிப்புக்கு, 74 பேர் மட்டுமே விண்ணப்பித்தனர். இதற்கான கவுன்சிலிங், கீழ்ப்பாக்கம், மருத்துவ கல்வி இயக்குனரகத்தில், நேற்று நடந்தது. இதில், அரசு ஒதுக்கீட்டு இடங்களுடன் சேர்த்து, 69 இடங்கள் நிரம்பின. மீதமுள்ள இடங்களை, அந்தந்த கல்லுாரிகள் நிரப்பிக் கொள்ள அனுமதி அளிக்கப்பட்டுள்ளது.